quwwat-e-guftar dekhi gar lab-e-KHamosh ki

quvvat-e-guftār dekhī gar lab-e-ḳhāmosh kī

kyoñ karegā āzmā.ish sabr-e-pardā-posh kī

zindagī meñ rah ga.ī hai bas yahī to ik ḳhushī

aa rahī hai ik sadā mujh ko surūd-e-dosh kī

maiñ nahīñ tauba-shikan jaatā huuñ lekin mai-kada

dekhne ko nargis-e-maḳhmūr ik mai-nosh kī

kyā huā shorīdagān-e-shahr ko tum hī kaho

pūchhte haiñ raah majnūñ se dayār-e-hosh kī

vus'at-e-qalbī tirī hairān kartī hai mujhe

hastiyāñ kyā kyā huiiñ zīnat tirī āġhosh kī

lahr tūfāñ kī lab-e-sāhil se jab Takrā ga.ī

kyā huā tezī ko 'sālik' mauj-e-dariyā-josh kī

quwwat-e-guftar dekhi gar lab-e-KHamosh ki

kyon karega aazmaish sabr-e-parda-posh ki

zindagi mein rah gai hai bas yahi to ek KHushi

aa rahi hai ek sada mujh ko surud-e-dosh ki

main nahin tauba-shikan jata hun lekin mai-kada

dekhne ko nargis-e-maKHmur ek mai-nosh ki

kya hua shoridagan-e-shahr ko tum hi kaho

puchhte hain rah majnun se dayar-e-hosh ki

wus'at-e-qalbi teri hairan karti hai mujhe

hastiyan kya kya huin zinat teri aaghosh ki

lahr tufan ki lab-e-sahil se jab Takra gai

kya hua tezi ko 'salik' mauj-e-dariya-josh ki