rabta ghair se tumne jo baDha rakkha hai

rābta ġhair se tum ne jo baḌhā rakkhā hai

is ḳhabar ne mujhe bīmār banā rakkhā hai

ek kam-'ilm ko shā'ir jo banā rakkhā hai

pyaar kā paaTh 'ajab tum ne paḌhā rakkhā hai

sar-phirī tez havāoñ ne bujhānā chāhā

pyaar kā jab se diyā ham ne jalā rakkhā hai

maiñ shab-o-roz tumheñ yaad kiyā kartā huuñ

ek muddat huī tum ne to bhulā rakkhā hai

tum ne āñgan meñ jo ik peḌ lagāyā thā kabhī

zard mausam meñ use ham ne harā rakkhā hai

'iid ke din bhī mulāqāt na hone paa.ī

us ne tehvār ke din dil ko dukhā rakkhā hai

un ke aane kī ḳhabar jab se sunī hai maiñ ne

sirf āñkhoñ ko nahīñ dil ko bichhā rakkhā hai

apne 'fārūq' pe tum itnā sitam karte ho

is ne to naam tirā dil pe likhā rakkhā hai

rabta ghair se tum ne jo baDha rakkha hai

is KHabar ne mujhe bimar bana rakkha hai

ek kam-'ilm ko sha'ir jo bana rakkha hai

pyar ka paTh 'ajab tum ne paDha rakkha hai

sar-phiri tez hawaon ne bujhana chaha

pyar ka jab se diya hum ne jala rakkha hai

main shab-o-roz tumhein yaad kiya karta hun

ek muddat hui tum ne to bhula rakkha hai

tum ne aangan mein jo ek peD lagaya tha kabhi

zard mausam mein use hum ne hara rakkha hai

'id ke din bhi mulaqat na hone pai

us ne tehwar ke din dil ko dukha rakkha hai

un ke aane ki KHabar jab se suni hai main ne

sirf aankhon ko nahin dil ko bichha rakkha hai

apne 'faruq' pe tum itna sitam karte ho

is ne to nam tera dil pe likha rakkha hai