rabte TuT gae ranj se hum TuT gae

rābte TuuT ga.e ranj se ham TuuT ga.e

jab tire pyaar ke vo qaul-o-qasam TuuT ga.e

ban ga.ī dard ḳhushī jaañ pe sitam TuuT ga.e

jin kī ummīd na thī dil pe vo ġham TuuT ga.e

jab mohabbat meñ uThā daulat-oġhurbat kā savāl

lamha-e-shauq pe sadiyoñ ke alam TuuT ga.e

barq ban kar hī girā aisā karam thā terā

ham ki jhukte bhī na the terī qasam TuuT ga.e

toḌne vaale mire dil ko tujhe kyā ma.alūm

dil nahīñ TuuTā mirā dair-o-haram TuuT ga.e

bandagī kaisī mirī kaisī vafā kaisā sila

maiñ ne barsoñ jo tarāshe vo sanam TuuT ga.e

kaun samjhegā bhalā kis ko batā.ūñ 'sīmā'

merī ma.asūm sī hastī pe jo ġham TuuT ga.e

rabte TuT gae ranj se hum TuT gae

jab tere pyar ke wo qaul-o-qasam TuT gae

ban gai dard KHushi jaan pe sitam TuT gae

jin ki ummid na thi dil pe wo gham TuT gae

jab mohabbat mein uTha daulat-oghurbat ka sawal

lamha-e-shauq pe sadiyon ke alam TuT gae

barq ban kar hi gira aisa karam tha tera

hum ki jhukte bhi na the teri qasam TuT gae

toDne wale mere dil ko tujhe kya malum

dil nahin TuTa mera dair-o-haram TuT gae

bandagi kaisi meri kaisi wafa kaisa sila

main ne barson jo tarashe wo sanam TuT gae

kaun samjhega bhala kis ko bataun 'sima'

meri masum si hasti pe jo gham TuT gae