raegani ka aariza hai mujhe
rā.egānī kā āriza hai mujhe
zindagī ek hādisa hai mujhe
is ḳharābe se kab gila hai mujhe
apnā honā hī mas.ala hai mujhe
zimnī kirdār huuñ kahānī kā
apnī taqdīr kā pata hai mujhe
mujh ko andar kī kuchh ḳhabar hī nahīñ
aur bāhar kā sab pata hai mujhe
dasht meñ shahr yaad aatā hai
ishq kā pahlā tajraba hai mujhe
vaqt kā raaz jānñe se miyāñ
jaane ye kaun roktā hai mujhe
ek lamhe ko ruk ke sun le use
a zamīñ tujh se jo gila hai mujhe
merī hī aañkh ke vasīle se
ḳhvāb andar se dekhtā hai mujhe
kitne chehre uThā.e phirtā huuñ
ā.īna phir bhī jāntā hai mujhe
ik ḳhushī suud par milī thī kahīñ
us kā qarza utārnā hai mujhe
yuuñ hī ḳhāmosh maiñ nahīñ baiThā
shor andar kā Toktā hai mujhe
raegani ka aariza hai mujhe
zindagi ek hadisa hai mujhe
is KHarabe se kab gila hai mujhe
apna hona hi masala hai mujhe
zimni kirdar hun kahani ka
apni taqdir ka pata hai mujhe
mujh ko andar ki kuchh KHabar hi nahin
aur bahar ka sab pata hai mujhe
dasht mein shahr yaad aata hai
ishq ka pahla tajraba hai mujhe
waqt ka raaz jaanne se miyan
jaane ye kaun rokta hai mujhe
ek lamhe ko ruk ke sun le use
a zamin tujh se jo gila hai mujhe
meri hi aankh ke wasile se
KHwab andar se dekhta hai mujhe
kitne chehre uThae phirta hun
aaina phir bhi jaanta hai mujhe
ek KHushi sud par mili thi kahin
us ka qarza utarna hai mujhe
yun hi KHamosh main nahin baiTha
shor andar ka Tokta hai mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
