rah apni badal nahin pae

raah apnī badal nahīñ paa.e

ham tire saath chal nahīñ paa.e

Tālne kī hazār koshish kī

hādse phir bhī Tal nahīñ paa.e

ham ne duniyā to chhoḌ dī lekin

ek ḳhvāhish kuchal nahīñ paa.e

umr-bhar ek hī tamanna ke

dā.ere se nikal nahīñ paa.e

vo havāoñ kā zor thā kyā thā

ham safar meñ sañbhal nahīñ paa.e

raas aa.ī na zindagī ham ko

jis ke sāñche meñ Dhal nahīñ paa.e

vaqt sho.aloñ meñ jhoñktā hī rahā

giilī lakḌī the jal nahīñ paa.e

rah apni badal nahin pae

hum tere sath chal nahin pae

Talne ki hazar koshish ki

hadse phir bhi Tal nahin pae

hum ne duniya to chhoD di lekin

ek KHwahish kuchal nahin pae

umr-bhar ek hi tamanna ke

daere se nikal nahin pae

wo hawaon ka zor tha kya tha

hum safar mein sanbhal nahin pae

ras aai na zindagi hum ko

jis ke sanche mein Dhal nahin pae

waqt shoalon mein jhonkta hi raha

gili lakDi the jal nahin pae