rah donon ki wahi hai samna ho jaega
raah donoñ kī vahī hai sāmnā ho jā.egā
hogā nazroñ kā tasādum hādisa ho jā.egā
tum se chhūTā bhī agar to zindagī hai ik safar
saath mere aur koī dūsrā ho jā.egā
dil kī uftād-e-tabī.at ko bhalā rokegā kaun
phir kisī ġham meñ kisī din mubtalā ho jā.egā
qāfile vāloñ meñ tablīġh-e-safar karte raho
kuchh na kuchh to rahbarī kā haq adā ho jā.egā
us se be-maqsad bhī tum yuuñ hī agar milte rahe
vo ġhalat-fahmī meñ ik din mubtalā ho jā.egā
kyā ḳhabar thī ik sarā.e ke musāfir kī tarah
ham-safar hogā vo merā phir judā ho jā.egā
azm-e-manzil hai to 'māhir' be-ḳhatar baḌhte chalo
un chaTTānoñ meñ bhī paidā rāsta ho jā.egā
rah donon ki wahi hai samna ho jaega
hoga nazron ka tasadum hadisa ho jaega
tum se chhuTa bhi agar to zindagi hai ek safar
sath mere aur koi dusra ho jaega
dil ki uftad-e-tabiat ko bhala rokega kaun
phir kisi gham mein kisi din mubtala ho jaega
qafile walon mein tabligh-e-safar karte raho
kuchh na kuchh to rahbari ka haq ada ho jaega
us se be-maqsad bhi tum yun hi agar milte rahe
wo ghalat-fahmi mein ek din mubtala ho jaega
kya KHabar thi ek sarae ke musafir ki tarah
ham-safar hoga wo mera phir juda ho jaega
azm-e-manzil hai to 'mahir' be-KHatar baDhte chalo
un chaTTanon mein bhi paida rasta ho jaega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
