rah dushwar bhi hai be-sar-o-samani bhi

raah dushvār bhī hai be-sar-o-sāmānī bhī

aur is dil ko hai kuchh aur pareshānī bhī

ye jo manzar tire aage se saraktā hī nahīñ

is meñ shāmil hai tirī aañkh kī hairānī bhī

apne majbūr pe kuchh aur karam ho ki use

kam paḌī jaatī hai ab ġham kī farāvānī bhī

sirf afsos kā saaya hī nahīñ hai ham par

ham ki haiñ ḳhvāb-e-tab-o-tāb ke zindānī bhī

be-niyāzī kī vo ḳhū jaise kabhī thī hī nahīñ

ḳhvāb the jaise vo ayyām-e-tan-āsānī bhī

rah tirī chhoḌ ke kyuuñ jānib-e-duniyā aa.e

ham ko jiine nahīñ detī ye pashemānī bhī

rah dushwar bhi hai be-sar-o-samani bhi

aur is dil ko hai kuchh aur pareshani bhi

ye jo manzar tere aage se sarakta hi nahin

is mein shamil hai teri aankh ki hairani bhi

apne majbur pe kuchh aur karam ho ki use

kam paDi jati hai ab gham ki farawani bhi

sirf afsos ka saya hi nahin hai hum par

hum ki hain KHwab-e-tab-o-tab ke zindani bhi

be-niyazi ki wo KHu jaise kabhi thi hi nahin

KHwab the jaise wo ayyam-e-tan-asani bhi

rah teri chhoD ke kyun jaanib-e-duniya aae

hum ko jine nahin deti ye pashemani bhi