rah-e-pur-pech mein guzra wo safar yaad aaya

rāh-e-pur-pech meñ guzrā vo safar yaad aaya

ashk palkoñ se gire ḳhūn-e-jigar yaad aaya

jis ko nazroñ meñ basā.e hue ham rahte the

hameñ rah rah ke vo be-mehr nazar yaad aaya

ham ne har raah meñ DhūñDā use har saañs ke saath

vo har ik moḌ pe har shām-o-sahar yaad aaya

ek saaya sā rahā saath mire saa.e ke

lamha lamha hameñ vo chaar pahar yaad aaya

jis ko bhūle se kabhī bhuul na paa.e the kahīñ

hameñ har bazm meñ vo chashm-ba-sar yaad aaya

vahī andāz-e-takallum vahī nazroñ meñ tazād

vo mirā arz-e-tamannā kā asar yaad aaya

bahr-e-tūfān-e-havādis meñ ghire the aise

lab-e-sāhil bhī vahī madd-o-jazar yaad aaya

rah-e-pur-pech mein guzra wo safar yaad aaya

ashk palkon se gire KHun-e-jigar yaad aaya

jis ko nazron mein basae hue hum rahte the

hamein rah rah ke wo be-mehr nazar yaad aaya

hum ne har rah mein DhunDa use har sans ke sath

wo har ek moD pe har sham-o-sahar yaad aaya

ek saya sa raha sath mere sae ke

lamha lamha hamein wo chaar pahar yaad aaya

jis ko bhule se kabhi bhul na pae the kahin

hamein har bazm mein wo chashm-ba-sar yaad aaya

wahi andaz-e-takallum wahi nazron mein tazad

wo mera arz-e-tamanna ka asar yaad aaya

bahr-e-tufan-e-hawadis mein ghire the aise

lab-e-sahil bhi wahi madd-o-jazar yaad aaya