rah-e-safar mein aaj ye manzar bhi aaega

rāh-e-safar meñ aaj ye manzar bhī aa.egā

gulshan ke saath jaltā huā ghar bhī aa.egā

ai ham-safar abhī se safar kī takān kyoñ

dasht-e-junūñ meñ ġham kā samundar bhī aa.egā

bastī jalā rahe haiñ magar ye rahe ḳhayāl

sho.aloñ kī zad meñ aap kā ye ghar bhī aa.egā

tanhā.ī hī sahī na rukeñ raah meñ qadam

manzil nigāh meñ ho to rahbar bhī aa.egā

ye chashm-e-kaif-e-yār taġhāful ke saath saath

ilzām-e-qatl ab to tire sar bhī aa.egā

to yuuñ mirī vafāoñ kā ab imtihāñ na le

mere lahū se tar tirā ḳhanjar bhī aa.egā

tūfāñ kī samt le na chalo kārvāñ abhī

āñdhī kī zad meñ nāqa-e-rahbar bhī aa.egā

maanā hai dasht-e-shauq bahut pur-ḳhatar 'zafar'

lekin vahāñ ġhamoñ kā ye ḳhūgar bhī aa.egā

rah-e-safar mein aaj ye manzar bhi aaega

gulshan ke sath jalta hua ghar bhi aaega

ai ham-safar abhi se safar ki takan kyon

dasht-e-junun mein gham ka samundar bhi aaega

basti jala rahe hain magar ye rahe KHayal

shoalon ki zad mein aap ka ye ghar bhi aaega

tanhai hi sahi na ruken rah mein qadam

manzil nigah mein ho to rahbar bhi aaega

ye chashm-e-kaif-e-yar taghaful ke sath sath

ilzam-e-qatl ab to tere sar bhi aaega

to yun meri wafaon ka ab imtihan na le

mere lahu se tar tera KHanjar bhi aaega

tufan ki samt le na chalo karwan abhi

aandhi ki zad mein naqa-e-rahbar bhi aaega

mana hai dasht-e-shauq bahut pur-KHatar 'zafar'

lekin wahan ghamon ka ye KHugar bhi aaega