rah KHamosh rahbar KHamosh

raah ḳhāmosh rāhbar ḳhāmosh

kārvāñ luT gayā safar ḳhāmosh

vaqt paḌne pe har nazar ḳhāmosh

dard baḌhne pe chārāgar ḳhāmosh

ḳhāna-e-dil meñ hū kā aalam hai

aur dīvār-o-bām-o-dar ḳhāmosh

kaisī ab ke bahār aa.ī hai

bulbuleñ chup to haiñ shajar ḳhāmosh

hāl-e-dil kab hai us se poshīda

jaan kar bhī hai vo magar ḳhāmosh

husn-e-fitrat kā boltā manzar

kar gayā mujh ko kis qadar ḳhāmosh

kyoñ musalsal sitam uThā.e koī

kyoñ rahe koī umr bhar ḳhāmosh

jhelte jhelte azaab yahāñ

ho ga.e 'nāz' ghar ke ghar ḳhāmosh

rah KHamosh rahbar KHamosh

karwan luT gaya safar KHamosh

waqt paDne pe har nazar KHamosh

dard baDhne pe chaaragar KHamosh

KHana-e-dil mein hu ka aalam hai

aur diwar-o-baam-o-dar KHamosh

kaisi ab ke bahaar aai hai

bulbulen chup to hain shajar KHamosh

haal-e-dil kab hai us se poshida

jaan kar bhi hai wo magar KHamosh

husn-e-fitrat ka bolta manzar

kar gaya mujh ko kis qadar KHamosh

kyon musalsal sitam uThae koi

kyon rahe koi umr bhar KHamosh

jhelte jhelte azab yahan

ho gae 'naz' ghar ke ghar KHamosh