ram wo wahi rahman hain sabhi maqam uske

raam vo vahī rahmān haiñ sabhī maqām us ke

muḳhtalif zabānoñ meñ muḳhtalif haiñ naam us ke

baḳhsh de jise chāhe nek-nāmiyāñ varna

aadmī vasīla hai ho rahe haiñ kaam us ke

rāste alag lekin sab kī ek manzil hai

kārvāñ sabhī us ke rāhbar tamām us ke

jis kī jaisī karnī hai us kī vaisī bharnī hai

ḳhās-o-ām kī ḳhātir faisle haiñ aam us ke

ham ko is se kyā matlab ham ko is se kyā lenā

jo bhī hai ġhulām us kā ham to haiñ ġhulām us ke

hoñ nabī ki nānak hoñ krishn hoñ ki iisā hoñ

us ke ham-zabāñ ban kar de ga.e payām us ke

chāñd aur sūraj to do nishān-e-azmat haiñ

kar rahe haiñ zāhir ye jalve sub.h-o-shām us ke

ram wo wahi rahman hain sabhi maqam us ke

muKHtalif zabanon mein muKHtalif hain nam us ke

baKHsh de jise chahe nek-namiyan warna

aadmi wasila hai ho rahe hain kaam us ke

raste alag lekin sab ki ek manzil hai

karwan sabhi us ke rahbar tamam us ke

jis ki jaisi karni hai us ki waisi bharni hai

KHas-o-am ki KHatir faisle hain aam us ke

hum ko is se kya matlab hum ko is se kya lena

jo bhi hai ghulam us ka hum to hain ghulam us ke

hon nabi ki nanak hon krishn hon ki isa hon

us ke ham-zaban ban kar de gae payam us ke

chand aur suraj to do nishan-e-azmat hain

kar rahe hain zahir ye jalwe subh-o-sham us ke