ras aai bhi to aai shan-e-mastana mujhe

raas aa.ī bhī to aa.ī shān-e-mastāna mujhe

saarī duniyā kah rahī hai un kā dīvāna mujhe

dil bhī kāshāna hai terā us kī dīvānī na dekh

phir jalānā hai charāġh-e-mehmāñ-ḳhāna mujhe

ġhuncha-e-nauras se Dhalne ko hai tahrīk-e-hayāt

gudgudātī hai shamīm-e-sub.h-e-mai-ḳhāna mujhe

ishq kī vāraftagī bhī ik tilism-e-rāz hai

ḳhud haram ne baḳhsh dī jāgīr-e-but-ḳhāna mujhe

al-madad ai tābnākī-e-jamāl-e-rū-e-dost

nāgavār-e-dīd haiñ vo be-hijābāna mujhe

duur se nazreñ bachā kar jab guzartī hai bahār

gulsitāñ ma.alūm hotā hai azā-ḳhāna mujhe

ḳhud mirī hastī hai 'māhir' ālam-e-anvār-e-husn

jalva-gāh-e-dost huuñ samjho ḳhudā-ḳhāna mujhe

ras aai bhi to aai shan-e-mastana mujhe

sari duniya kah rahi hai un ka diwana mujhe

dil bhi kashana hai tera us ki diwani na dekh

phir jalana hai charagh-e-mehman-KHana mujhe

ghuncha-e-nauras se Dhalne ko hai tahrik-e-hayat

gudgudati hai shamim-e-subh-e-mai-KHana mujhe

ishq ki waraftagi bhi ek tilism-e-raaz hai

KHud haram ne baKHsh di jagir-e-but-KHana mujhe

al-madad ai tabnaki-e-jamal-e-ru-e-dost

nagawar-e-did hain wo be-hijabana mujhe

dur se nazren bacha kar jab guzarti hai bahaar

gulsitan malum hota hai aza-KHana mujhe

KHud meri hasti hai 'mahir' aalam-e-anwar-e-husn

jalwa-gah-e-dost hun samjho KHuda-KHana mujhe