ras aane lagi thi tanhai

raas aane lagī thī tanhā.ī

yād-e-mahbūb tū kahāñ aa.ī

phir uThātā huuñ minnat-e-tiflāñ

phir hai saudā-e-nañg-e-rusvā.ī

phir vahī kārobār-e-rāz-o-niyāz

phir vahī shauq-e-ḳhalvat-ārā.ī

phir vahī āstāñ hai aur maiñ huuñ

phir vahī sar hai aur jabīñ-sā.ī

phir vahī sub.h aur azm-e-safar

phir vahī shaam aur tanhā.ī

dekh kar tujh ko dekhtā hī rahā

ek dīdār kā tamannā.ī

terī ḳhidmat meñ nazr hai ye ġhazal

ai sarāpā ġhazal kī ra.anā.ī

ras aane lagi thi tanhai

yaad-e-mahbub tu kahan aai

phir uThata hun minnat-e-tiflan

phir hai sauda-e-nang-e-ruswai

phir wahi karobar-e-raaz-o-niyaz

phir wahi shauq-e-KHalwat-arai

phir wahi aastan hai aur main hun

phir wahi sar hai aur jabin-sai

phir wahi subh aur azm-e-safar

phir wahi sham aur tanhai

dekh kar tujh ko dekhta hi raha

ek didar ka tamannai

teri KHidmat mein nazr hai ye ghazal

ai sarapa ghazal ki ranai