ras kab kis ko aae mere raste

raas kab kis ko aa.e mire rāste

maiñ banātā rahā huuñ na.e rāste

maiñ ne pūchhā thā kitnā safar aur hai

jaane kyā soch kar hañs diye rāste

aur pahre baiThā dījiye raah meñ

aur khul jā.eñge soch ke rāste

ruk gayā huuñ to gard-e-safar tak nahīñ

maiñ chalā thā to hamrāh the rāste

sar meñ saudā nahīñ manziloñ kā rahā

mujh ko āvāz dete rahe rāste

duur hotī ga.iiñ jis qadar manzileñ

ham se mānūs hote ga.e rāste

har qadam ek mash.al sī jaltī ga.ī

jab chale ham to bante ga.e rāste

ras kab kis ko aae mere raste

main banata raha hun nae raste

main ne puchha tha kitna safar aur hai

jaane kya soch kar hans diye raste

aur pahre baiTha dijiye rah mein

aur khul jaenge soch ke raste

ruk gaya hun to gard-e-safar tak nahin

main chala tha to hamrah the raste

sar mein sauda nahin manzilon ka raha

mujh ko aawaz dete rahe raste

dur hoti gain jis qadar manzilen

hum se manus hote gae raste

har qadam ek mashal si jalti gai

jab chale hum to bante gae raste