raat aaKHir ho sitam-peshon pe aisa bhi nahin
raat āḳhir ho sitam-peshoñ pe aisā bhī nahīñ
vaqt ruk jaa.e kahīñ aa ke ye hotā bhī nahīñ
apne hone kī sazā kis ko milā kartī hai
kis ko ye zaḳhm dikhā.ūñ jo huvaidā bhī nahīñ
muntazir ā.īna-ḳhāne haiñ na jaane kis ke
shahr-e-timsāl meñ ab to koī chehra bhī nahīñ
tujh se mansūb the sab jaur sahe ham ne magar
pās-e-nāmūs-e-mohabbat thā pukārā bhī nahīñ
koī hāsil nahīñ is kār-e-junūñ kā 'rāshid'
kheltā aag se huuñ aur tamāshā bhī nahīñ
raat aaKHir ho sitam-peshon pe aisa bhi nahin
waqt ruk jae kahin aa ke ye hota bhi nahin
apne hone ki saza kis ko mila karti hai
kis ko ye zaKHm dikhaun jo huwaida bhi nahin
muntazir aaina-KHane hain na jaane kis ke
shahr-e-timsal mein ab to koi chehra bhi nahin
tujh se mansub the sab jaur sahe hum ne magar
pas-e-namus-e-mohabbat tha pukara bhi nahin
koi hasil nahin is kar-e-junun ka 'rashid'
khelta aag se hun aur tamasha bhi nahin
- Book : Ghazal Ke Rang (Pg. 153)
- Author : Akram Naqqash, Sohil Akhtar
- Publication : Aflaak Publications, Gulbarga (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
