raat-bhar fasl-e-bahaar aane ka saman hona

rāt-bhar fasl-e-bahār aane kā sāmāñ honā

sub.h pau phaTte hī hāthoñ meñ girebāñ honā

tum mirā haal na dekho ki mileñgī nazreñ

mujh se dekhā nahīñ jā.egā pashemāñ honā

hijr aur jī ke bahal jaane kī koshish tauba

mushkileñ aur baġhair aap ke āsāñ honā

merī kashtī ko bahar-hāl hai maujoñ se lagāv

ho jo har mauj ko hai shāmil-e-tūfāñ honā

chheḌ dī zulm kī taujīh salāmat rahiye

sharm aa.ī bhī to aaya na pashemāñ honā

apne hī dil meñ khile phuul se kahtā hai 'razā'

tū jahāñ hai use raas aa.e gulistāñ honā

raat-bhar fasl-e-bahaar aane ka saman hona

subh pau phaTte hi hathon mein gireban hona

tum mera haal na dekho ki milengi nazren

mujh se dekha nahin jaega pasheman hona

hijr aur ji ke bahal jaane ki koshish tauba

mushkilen aur baghair aap ke aasan hona

meri kashti ko bahar-haal hai maujon se lagaw

ho jo har mauj ko hai shamil-e-tufan hona

chheD di zulm ki taujih salamat rahiye

sharm aai bhi to aaya na pasheman hona

apne hi dil mein khile phul se kahta hai 'raza'

tu jahan hai use ras aae gulistan hona