raat bhar gardish thi un ke pasbanon ki tarah
raat bhar gardish thī un ke pāsbānoñ kī tarah
paañv meñ chakkar thā mere āsmānoñ kī tarah
dil meñ haiñ lekin unheñ dil se ġharaz-matlab nahīñ
apne ghar meñ rahte haiñ vo mehmānoñ kī tarah
dil ke dene kā kahīñ charchā na karnā dekhnā
le ke dil samjhā rahe haiñ mehrbānoñ kī tarah
naam par marne ke marte haiñ magar marte nahīñ
kaun jī saktā hai ham se saḳht-jānoñ kī tarah
dil jo kuchh kahtā hai karte haiñ vahī 'beḳhud' magar
sun liyā karte haiñ sab kī be-zabānoñ kī tarah
raat bhar gardish thi un ke pasbanon ki tarah
panw mein chakkar tha mere aasmanon ki tarah
dil mein hain lekin unhen dil se gharaz-matlab nahin
apne ghar mein rahte hain wo mehmanon ki tarah
dil ke dene ka kahin charcha na karna dekhna
le ke dil samjha rahe hain mehrbanon ki tarah
nam par marne ke marte hain magar marte nahin
kaun ji sakta hai hum se saKHt-jaanon ki tarah
dil jo kuchh kahta hai karte hain wahi 'beKHud' magar
sun liya karte hain sab ki be-zabanon ki tarah
- Book : Aazadi ke baad dehli men urdu gazal (Pg. 84)
- Author : Professor Unwan Chishti
- Publication : Asila Offset Printers, Kalan Mahal, Dariyaganj, New Delhi-6 (1989)
- Edition : 1989
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
