raat din ek sa rahta hai ujala mere ghar

raat din ek sā rahtā hai ujālā mire ghar

ātishīñ aah hai yā aaTh pahar kī battī

paḌ ga.ī rakhte hī nāsūr-e-jigar meñ ThanDak

us kā paikāñ bhī hai kyā ḳhuub asar kī battī

shab-e-furqat kā añdherā na gayā par na gayā

kaam kuchh mom kī aa.ī na agar kī battī

raat ghar us ke diye meñ kahīñ jaltī thī zarūr

tār-hā-e-nigah-e-ahl-e-nazar kī battī

sham.a kī mujh ko zarūrat nahīñ vallāh 'zahīr'

merī raushan hai har ik misra-e-tar kī battī

raat din ek sa rahta hai ujala mere ghar

aatishin aah hai ya aaTh pahar ki batti

paD gai rakhte hi nasur-e-jigar mein ThanDak

us ka paikan bhi hai kya KHub asar ki batti

shab-e-furqat ka andhera na gaya par na gaya

kaam kuchh mom ki aai na agar ki batti

raat ghar us ke diye mein kahin jalti thi zarur

tar-ha-e-nigah-e-ahl-e-nazar ki batti

shama ki mujh ko zarurat nahin wallah 'zahir'

meri raushan hai har ek misra-e-tar ki batti