raat gae din-bhar ki baaton se ji ko bahlate hain

raat ga.e din-bhar kī bātoñ se jī ko bahlāte haiñ

niiñd nahīñ aatī hai lekin ḳhvāb to phir bhī aate haiñ

kaise bāhar chhoḌ aate haiñ bharī paḌī ik duniyā ko

kamre meñ itnī tanhā.ī aap kahāñ se laate haiñ

ek zamāna samajh rahā hai chehra dekh ke dil kī baat

ik vahī baat samajh nahīñ paatā ham jis ko samjhāte haiñ

ek ḳhamoshī hai jo āvāzoñ se kam nahīñ hotī hai

ek ḳhalā hai apne andar jis ko bharte jaate haiñ

vaqt baḌā hī zālim hai ik pal meñ phail sā jaatā hai

jaane kaise itne dukh ik lamhe meñ aa jaate haiñ

raat gae din-bhar ki baaton se ji ko bahlate hain

nind nahin aati hai lekin KHwab to phir bhi aate hain

kaise bahar chhoD aate hain bhari paDi ek duniya ko

kamre mein itni tanhai aap kahan se late hain

ek zamana samajh raha hai chehra dekh ke dil ki baat

ek wahi baat samajh nahin pata hum jis ko samjhate hain

ek KHamoshi hai jo aawazon se kam nahin hoti hai

ek KHala hai apne andar jis ko bharte jate hain

waqt baDa hi zalim hai ek pal mein phail sa jata hai

jaane kaise itne dukh ek lamhe mein aa jate hain