raat guzri magar na aae KHwab

raat guzrī magar na aa.e ḳhvāb

haa.e vo mere ḳhvāb-hā-e-ḳhvāb

ham kahīñ rat-jagoñ meñ kho.e the

jab chalī thī yahāñ havā-e-ḳhvāb

dhuup ke āstāñ se aa.ī haiñ

merī āñkheñ nahīñ barā-e-ḳhvāb

sej murjhā ga.ī mohabbat kī

rah ga.e haiñ saje-sajā.e ḳhvāb

niiñd qurbān karnā paḌtī thī

ham ne jis daur meñ kamā.e ḳhvāb

kis qadar sard thī havā 'rāval'

dasht meñ rāt-bhar jalā.e ḳhvāb

raat guzri magar na aae KHwab

hae wo mere KHwab-ha-e-KHwab

hum kahin rat-jagon mein khoe the

jab chali thi yahan hawa-e-KHwab

dhup ke aastan se aai hain

meri aankhen nahin bara-e-KHwab

sej murjha gai mohabbat ki

rah gae hain saje-sajae KHwab

nind qurban karna paDti thi

hum ne jis daur mein kamae KHwab

kis qadar sard thi hawa 'rawal'

dasht mein raat-bhar jalae KHwab