raat guzri to yaqin tha ki sawera hoga

raat guzrī to yaqīñ thā ki saverā hogā

kyā ḳhabar thī ki vahī ghor-añdherā hogā

raah meñ jin se thā saaya vo shajar suukh ga.e

ab ḳhudā jaane kahāñ apnā baserā hogā

nā-shanāsān-e-mohabbat se tavaqqo hai fuzūl

jo ḳhud apnā na huā kis tarah merā hogā

ham-nashīno shab-e-furqat ko ġhanīmat samjho

ab koī shaam na hogī na saverā hogā

āstīnoñ meñ hai saañp apne chhupā.e jo shaḳhs

vo mirā dost ho kyoñ koī saperā hogā

tuul khīñchā hai bahut tīra-shabī ne lekin

tabal-e-sub.h ke bajte hī saverā hogā

sub.h-e-sādiq kī shuā.eñ ye batātī haiñ 'vafā'

sub.h-e-kāzib kā bas ab duur añdherā hogā

raat guzri to yaqin tha ki sawera hoga

kya KHabar thi ki wahi ghor-andhera hoga

rah mein jin se tha saya wo shajar sukh gae

ab KHuda jaane kahan apna basera hoga

na-shanasan-e-mohabbat se tawaqqo hai fuzul

jo KHud apna na hua kis tarah mera hoga

ham-nashino shab-e-furqat ko ghanimat samjho

ab koi sham na hogi na sawera hoga

aastinon mein hai sanp apne chhupae jo shaKHs

wo mera dost ho kyon koi sapera hoga

tul khincha hai bahut tira-shabi ne lekin

tabal-e-subh ke bajte hi sawera hoga

subh-e-sadiq ki shuaen ye batati hain 'wafa'

subh-e-kazib ka bas ab dur andhera hoga