raat ke parde mein ek nur ka sailab bhi hai
raat ke parde meñ ik nuur kā sailāb bhī hai
dasht-e-zulmat meñ kahīñ vādī-e-mahtāb bhī hai
bahr-e-pursish hī sahī aaj tirā aa jaanā
ek hī vaqt meñ ta.abīr bhī hai ḳhvāb bhī hai
asliyat dekh mire chāk-e-garebāñ pe na jā
ishq chāhe to bahut sāhab-e-asbāb bhī hai
tū ne sochā hai kabhī jalva-e-arzāñ ke asiir
jis ko mahtāb samajhtā hai vo mahtāb bhī hai
vaqt kī tez ravānī se hai dahshat varna
yahī dariyā jo Thahar jaa.e to pāyāb bhī hai
raat ke parde mein ek nur ka sailab bhi hai
dasht-e-zulmat mein kahin wadi-e-mahtab bhi hai
bahr-e-pursish hi sahi aaj tera aa jaana
ek hi waqt mein tabir bhi hai KHwab bhi hai
asliyat dekh mere chaak-e-gareban pe na ja
ishq chahe to bahut sahab-e-asbab bhi hai
tu ne socha hai kabhi jalwa-e-arzan ke asir
jis ko mahtab samajhta hai wo mahtab bhi hai
waqt ki tez rawani se hai dahshat warna
yahi dariya jo Thahar jae to payab bhi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
