raat ko mere baam talak mahtab tha ya tum aae the

raat ko mere baam talak mahtāb thā yā tum aa.e the

jhiil kināre raqs parī kā ḳhvāb thā yā tum aa.e the

shaam kisī kī yaad meñ harsū hijr ke bādal chhā.e the

aaj mirī nam āñkhoñ meñ sailāb thā yā tum aa.e the

aa.ī thī ik sard havā le kar sāvan kā giit koī

phūloñ se har ek shajar shādāb thā yā tum aa.e the

aaj ġhamoñ ke saaz pe kis ne hijr kā naġhma chheḌā thā

aaj saroñ ke taar pe ik mizrāb thā yā tum aa.e the

zulf ne terī raat ko jaise gher liyā thā bāñhoñ meñ

raat mire atrāf meñ ik girdāb thā yā tum aa.e the

raat ko mere baam talak mahtab tha ya tum aae the

jhil kinare raqs pari ka KHwab tha ya tum aae the

sham kisi ki yaad mein harsu hijr ke baadal chhae the

aaj meri nam aankhon mein sailab tha ya tum aae the

aai thi ek sard hawa le kar sawan ka git koi

phulon se har ek shajar shadab tha ya tum aae the

aaj ghamon ke saz pe kis ne hijr ka naghma chheDa tha

aaj saron ke tar pe ek mizrab tha ya tum aae the

zulf ne teri raat ko jaise gher liya tha banhon mein

raat mere atraf mein ek girdab tha ya tum aae the