raat raushan thi magar hijr ki mari nikli

raat raushan thī magar hijr kī maarī niklī

phir sar-e-dasht-e-talab terī savārī niklī

thā hī kyā apnā jise apnā banā.e rakhte

jaan sī chiiz thī vo bhī to tumhārī niklī

muḳhtasar kār-e-junūñ ham se huā thā sarzad

daftar-e-‘ishq meñ tafsīl hamārī niklī

maiñ kisī aur jahān-e-ḳhas-o-ḳhāshāk meñ thā

aur kahīñ us gul-e-ḳhūbī kī savārī niklī

rā.egānī kā 'ajab rang khulā hai mujh par

reg-e-maqtal bhī mire ḳhuun se 'aarī niklī

maiñ siyah-baḳht savālī nahīñ tanhā terā

chāñdnī bhī to tire dar kī bhikārī niklī

raat raushan thi magar hijr ki mari nikli

phir sar-e-dasht-e-talab teri sawari nikli

tha hi kya apna jise apna banae rakhte

jaan si chiz thi wo bhi to tumhaari nikli

muKHtasar kar-e-junun hum se hua tha sarzad

daftar-e-‘ishq mein tafsil hamari nikli

main kisi aur jahan-e-KHas-o-KHashak mein tha

aur kahin us gul-e-KHubi ki sawari nikli

raegani ka 'ajab rang khula hai mujh par

reg-e-maqtal bhi mere KHun se 'ari nikli

main siyah-baKHt sawali nahin tanha tera

chandni bhi to tere dar ki bhikari nikli