rabt bhi toDa bani nit ki talab ka base bhi

rabt bhī toḌā banī nit kī talab kā base bhī

patr bhī is ne likhe bheje mujhe sandes bhī

chaukhaTā dil kā yahāñ hai hū bahū tujh sā koī

hoñT bhī āñkheñ bhī chhab Dhab bhī tujhī sā face bhī

ziist ke path par nahīñ honā thā tujh mujh meñ milāp

har janam meñ priit ne dekhe badal kar bhes bhī

puut kī saaḌī gulābī āftābī jism par

laT guñdhī choTī ribbon shānoñ pe sañvre kes bhī

tujh se bichhḌe gaañv chhoTā shahr meñ aakar base

taj diye sab sañgī-sāthī tyaag Daalā des bhī

bas asāsa hai yahī ghar kā yahī ghar kī matā.a

sofa ik do bed kitābeñ aur ik show kes bhī

shā.irī meñ bāzuoñ ke saath dil bhī shal huā

āḳhirash majbūr ho kar haar dī ye race bhī

nīche in jharnoñ pe vaadī meñ kise jā kar milūñ

sañg ik sautan ke berī pī ga.e pardes bhī

jāntā thā kaun jiite haiñ yahī kuchh dekhne

dil pe sah leñge mohabbat meñ birah kī Thes bhī

rabt bhi toDa bani nit ki talab ka base bhi

patr bhi is ne likhe bheje mujhe sandes bhi

chaukhaTa dil ka yahan hai hu bahu tujh sa koi

honT bhi aankhen bhi chhab Dhab bhi tujhi sa face bhi

zist ke path par nahin hona tha tujh mujh mein milap

har janam mein prit ne dekhe badal kar bhes bhi

put ki saDi gulabi aaftabi jism par

laT gundhi choTi ribbon shanon pe sanwre kes bhi

tujh se bichhDe ganw chhoTa shahr mein aakar base

taj diye sab sangi-sathi tyag Dala des bhi

bas asasa hai yahi ghar ka yahi ghar ki mataa

sofa ek do bed kitaben aur ek show kes bhi

shairi mein bazuon ke sath dil bhi shal hua

aaKHirash majbur ho kar haar di ye race bhi

niche in jharnon pe wadi mein kise ja kar milun

sang ek sautan ke beri pi gae pardes bhi

jaanta tha kaun jite hain yahi kuchh dekhne

dil pe sah lenge mohabbat mein birah ki Thes bhi