rafiq dost muhib mujhko shaq sab hi the

rafīq dost muhib mujh ko shaaq sab hī the

agarche kahne ko ye ham-mazāq sab hī the

maiñ imtihān kī copy ko saada chhoḌ aayā

dimāġh meñ to siyāq-o-sabāq sab hī the

tamām raat rahā dil meñ habs kā manzar

khule hue to dar-e-ishtiyāq sab hī the

usī mahal se thī vābasta shahr kī azmat

shikasta yuuñ to dar-o-bām-o-tāq sab hī the

hamārā gaañv fasādoñ kī zad se duur rahā

agarche log sharārat meñ taaq sab hī the

rafiq dost muhib mujh ko shaq sab hi the

agarche kahne ko ye ham-mazaq sab hi the

main imtihan ki copy ko sada chhoD aaya

dimagh mein to siyaq-o-sabaq sab hi the

tamam raat raha dil mein habs ka manzar

khule hue to dar-e-ishtiyaq sab hi the

usi mahal se thi wabasta shahr ki azmat

shikasta yun to dar-o-baam-o-taq sab hi the

hamara ganw fasadon ki zad se dur raha

agarche log shararat mein taq sab hi the