rafta-rafta gham se dil ko rabt paida ho gaya

rafta-rafta ġham se dil ko rabt paidā ho gayā

sahte sahte saḳhtiyāñ patthar kaleja ho gayā

ek hī hichkī meñ saarā ḳhatm qissa ho gayā

aaj bīmār-e-mohabbat kā mudāvā ho gayā

ġhair ke mazkūr par takrār-o-hujjat baḌh ga.ī

bātoñ hī bātoñ meñ un se aaj jhagḌā ho gayā

hijr kī ye raat yā-rab kis tarah hogī basar

shaam hī se ghar meñ mere hashr barpā ho gayā

kaam sīdhe-pan se ulfat meñ koī chaltā nahīñ

aa ga.e jab ham kajī par charḳh sīdhā ho gayā

dasht thā sunsān bilkul qais ke marne ke baad

dam se vahshī ke tire ābād sahrā ho gayā

ho ga.e mujh se muḳhātab hāl-e-dil sunte rahe

merī sūrat par unheñ dushman kā dhokā ho gayā

ye shab-e-hijrāñ kī tārīkī kā hai ab tak asar

roz-e-raushan meñ mire ghar meñ añdherā ho gayā

chain tujh ko bhī na hāsil ho kabhī kambaḳht dil

terī betābi se maiñ ulfat meñ rusvā ho gayā

ye haqīqat hai use hāsil huī me.arāj-e-ishq

yaar ke naqsh-e-qadam par jis kā sajda ho gayā

ishq ke āzār paiham maiñ ne jhele is qadar

ek ibrat kā muraqqā maiñ sarāpā ho gayā

hamdamo kaise batā.eñ lazzat-e-zaḳhm-e-darūñ

ban gayā nāsūr vo jo zaḳhm achchhā ho gayā

hijr kī tārīk shab us par balāoñ kā hujūm

kyā batā.eñ raat ko is ghar meñ kyā kyā ho gayā

un kī paḌnā thī nazar pahlū se dil jaatā rahā

dam-zadan meñ sāneha ye rūh-farsā ho gayā

aa paḌī hai is tarah kī ham-nashīñ uftād-e-ishq

zindagī kā zikr kyā dushvār marnā ho gayā

ġham ġhalat karte haiñ 'ishrat' is tarah se hijr meñ

ro liye kuchh der dil kā bojh halkā ho gayā

rafta-rafta gham se dil ko rabt paida ho gaya

sahte sahte saKHtiyan patthar kaleja ho gaya

ek hi hichki mein sara KHatm qissa ho gaya

aaj bimar-e-mohabbat ka mudawa ho gaya

ghair ke mazkur par takrar-o-hujjat baDh gai

baaton hi baaton mein un se aaj jhagDa ho gaya

hijr ki ye raat ya-rab kis tarah hogi basar

sham hi se ghar mein mere hashr barpa ho gaya

kaam sidhe-pan se ulfat mein koi chalta nahin

aa gae jab hum kaji par charKH sidha ho gaya

dasht tha sunsan bilkul qais ke marne ke baad

dam se wahshi ke tere aabaad sahra ho gaya

ho gae mujh se muKHatab haal-e-dil sunte rahe

meri surat par unhen dushman ka dhoka ho gaya

ye shab-e-hijran ki tariki ka hai ab tak asar

roz-e-raushan mein mere ghar mein andhera ho gaya

chain tujh ko bhi na hasil ho kabhi kambaKHt dil

teri betabi se main ulfat mein ruswa ho gaya

ye haqiqat hai use hasil hui mearaj-e-ishq

yar ke naqsh-e-qadam par jis ka sajda ho gaya

ishq ke aazar paiham main ne jhele is qadar

ek ibrat ka muraqqa main sarapa ho gaya

hamdamo kaise bataen lazzat-e-zaKHm-e-darun

ban gaya nasur wo jo zaKHm achchha ho gaya

hijr ki tarik shab us par balaon ka hujum

kya bataen raat ko is ghar mein kya kya ho gaya

un ki paDna thi nazar pahlu se dil jata raha

dam-zadan mein saneha ye ruh-farsa ho gaya

aa paDi hai is tarah ki ham-nashin uftad-e-ishq

zindagi ka zikr kya dushwar marna ho gaya

gham ghalat karte hain 'ishrat' is tarah se hijr mein

ro liye kuchh der dil ka bojh halka ho gaya