rafta rafta tu ye nafrat ki na diwar uTha

rafta rafta tū ye nafrat kī na dīvār uThā

zor-e-bāzū se tū ik baar hī talvār uThā

apne hone kī tū pyāroñ ko gavāhī de de

farz terā hai tū kāñdhe pe sabhī baar uThā

tū ne dekhe hī nahīñ haiñ vo kabhī ‘āriz-o-lab

bāġhbāñ apne gul-e-husn kā me'yār uThā

tū ne pāzeb kī dekhī na sunī hai chhan-chhan

laakh sāzoñ se tū fankār ye jhankār uThā

merī tahzīb ijāzat nahīñ detī hargiz

mere qadmoñ meñ na rakh aur ye dastār uThā

saañs jo mujh se kare hai vo taqāzā hai bajā

'ishq bhī kar tū magar kaam kī raftār uThā

mere ḳhush-fahm tū bekār kī sochoñ se nikal

kis ne bechā hai vatan dekh le aḳhbār uThā

daaj ke dukh bhī zarā dekh paḌosī ghar meñ

apnī 'azmat ke tū phir shauq se mīnār uThā

rafta rafta tu ye nafrat ki na diwar uTha

zor-e-bazu se tu ek bar hi talwar uTha

apne hone ki tu pyaron ko gawahi de de

farz tera hai tu kandhe pe sabhi bar uTha

tu ne dekhe hi nahin hain wo kabhi ‘ariz-o-lab

baghban apne gul-e-husn ka me'yar uTha

tu ne pazeb ki dekhi na suni hai chhan-chhan

lakh sazon se tu fankar ye jhankar uTha

meri tahzib ijazat nahin deti hargiz

mere qadmon mein na rakh aur ye dastar uTha

sans jo mujh se kare hai wo taqaza hai baja

'ishq bhi kar tu magar kaam ki raftar uTha

mere KHush-fahm tu bekar ki sochon se nikal

kis ne becha hai watan dekh le aKHbar uTha

daj ke dukh bhi zara dekh paDosi ghar mein

apni 'azmat ke tu phir shauq se minar uTha