rafu kahin se kiya to kahin se bandh diya

rafū kahīñ se kiyā to kahīñ se bāñdh diyā

ki ham ne chāk-e-garebāñ yaqīñ se bāñdh diyā

uḌā ke le hī na jaa.eñ ye āñdhiyāñ is ko

so āsmān pakaḌ kar zamīñ se bāñdh diyā

koī jalāl mirī aañkh meñ umaD aayā

mirī nigāh ne dushman kamīñ se bāñdh diyā

abhī to sīkhnā thā sar uThā ke jiinā mujhe

ye kyā ki sajde ko merī jabīñ se bāñdh diyā

use na maiñ huuñ na vo hai mujhe pasand magar

kisī ne saañp mirī āstīñ se bāñdh diyā

mirī talāsh to ik zaat thī magar 'shāhid'

mujhe savāb ne ḳhuld-e-barīñ se bāñdh diyā

rafu kahin se kiya to kahin se bandh diya

ki hum ne chaak-e-gareban yaqin se bandh diya

uDa ke le hi na jaen ye aandhiyan is ko

so aasman pakaD kar zamin se bandh diya

koi jalal meri aankh mein umaD aaya

meri nigah ne dushman kamin se bandh diya

abhi to sikhna tha sar uTha ke jina mujhe

ye kya ki sajde ko meri jabin se bandh diya

use na main hun na wo hai mujhe pasand magar

kisi ne sanp meri aastin se bandh diya

meri talash to ek zat thi magar 'shahid'

mujhe sawab ne KHuld-e-barin se bandh diya