rag rag mein meri phail gaya hai ye kaisa zahr

rag rag meñ merī phail gayā hai ye kaisā zahr

kyuuñ Dūbne lagā hai dhuñdlakoñ meñ saarā shahr

mujh ko jhiñjhoḌ detī haiñ lamhoñ kī āhaTeñ

uThtī hai mere jism meñ ik bebasī kī lahr

ye shab mire vajūd pe yuuñ TuuT paḌtī hai

jaise koī balā ho ki aaseb ho ki qahr

phūTā na muddatoñ se koī chashma-e-umīd

sūkhī paḌī huī hai mirī ḳhvāhishoñ kī nahr

chehre pe vaqt kī maiñ siyāhī malā karūñ

mujh ko bhī kuchh milā hai mashiyyat se kār-e-dahr

rag rag mein meri phail gaya hai ye kaisa zahr

kyun Dubne laga hai dhundlakon mein sara shahr

mujh ko jhinjhoD deti hain lamhon ki aahaTen

uThti hai mere jism mein ek bebasi ki lahr

ye shab mere wajud pe yun TuT paDti hai

jaise koi bala ho ki aaseb ho ki qahr

phuTa na muddaton se koi chashma-e-umid

sukhi paDi hui hai meri KHwahishon ki nahr

chehre pe waqt ki main siyahi mala karun

mujh ko bhi kuchh mila hai mashiyyat se kar-e-dahr