rah-e-junun jo nishan-e-qadam ikaTTha the

rah-e-junūñ jo nishān-e-qadam ikaTThā the

vo ham nahīñ the vajūd-o-‘adam ikaTThā the

hayāt asl ma'ānī meñ khul ke aa.ī thī

is ek saal meñ saare janam ikaTThā the

yahāñ maiñ apnī udāsī bitāne ā.ūñgā

kisī daraḳht pe likh do ke ham ikaTThā the

shab-e-firāq thī aur maiñ ḳhudā se ġhussa thā

falak pe saare nujūm ek dam ikaTThā the

tirī chhuan se ravāñ ho ga.e haiñ barjasta

hazāroñ sail-e-tamannā ke nam ikaTThā the

tumhārā hijr bahānā banā hai pichhloñ kā

ye mujh pe aaj khulā itne ġham ikaTThā the

hamārā zehn bhī masjid ke sahn jaisā rahā

jagah bahut thī magar log kam ikaTThā the

rah-e-junun jo nishan-e-qadam ikaTTha the

wo hum nahin the wajud-o-‘adam ikaTTha the

hayat asl ma'ani mein khul ke aai thi

is ek sal mein sare janam ikaTTha the

yahan main apni udasi bitane aaunga

kisi daraKHt pe likh do ke hum ikaTTha the

shab-e-firaq thi aur main KHuda se ghussa tha

falak pe sare nujum ek dam ikaTTha the

teri chhuan se rawan ho gae hain barjasta

hazaron sail-e-tamanna ke nam ikaTTha the

tumhaara hijr bahana bana hai pichhlon ka

ye mujh pe aaj khula itne gham ikaTTha the

hamara zehn bhi masjid ke sahn jaisa raha

jagah bahut thi magar log kam ikaTTha the