rah-e-KHuda se na KHud ko kabhi juda karte

rah-e-ḳhudā se na ḳhud ko kabhī judā karte

ḳhudā jo chāhtā ham bhī ḳhudā ḳhudā karte

tumheñ bhī lafz-e-vafā hashr tak duā detā

jo tum bhī ai banī-ādam kabhī vafā karte

lihāz-e-ishq na hotā to ai mire hamdam

tamām umr tire haq meñ badduā karte

purānī baat ko chheḌā hai kyoñ sar-e-mahfil

zamān-e-nau ke the gar tum to kuchh nayā karte

ai mere yaar ḳhatā terī gar nahīñ hotī

to tere ashk bhalā tujh se kyoñ gila karte

qubūl hotī duā.eñ agar mirī 'suhail'

to ham bhī sub.h se tā-shām bas duā karte

rah-e-KHuda se na KHud ko kabhi juda karte

KHuda jo chahta hum bhi KHuda KHuda karte

tumhein bhi lafz-e-wafa hashr tak dua deta

jo tum bhi ai bani-adam kabhi wafa karte

lihaz-e-ishq na hota to ai mere hamdam

tamam umr tere haq mein baddua karte

purani baat ko chheDa hai kyon sar-e-mahfil

zaman-e-nau ke the gar tum to kuchh naya karte

ai mere yar KHata teri gar nahin hoti

to tere ashk bhala tujh se kyon gila karte

qubul hoti duaen agar meri 'suhail'

to hum bhi subh se ta-sham bas dua karte