rah gae bas ishq-dariya se ye nate rah gae

rah ga.e bas ishq-dariyā se ye naate rah ga.e

ham sadaf-āñkhoñ se ab gauhar luTāte rah ga.e

rah ga.e ham sāz-e-dil ke TuuT jaane par bhī ḳhush

dard ġhazloñ meñ chhupā kar gungunāte rah ga.e

rah ga.e ham pyaar ke har ism se de kar sadā

ruuTh kar vo chal diye aur ham manāte rah ga.e

rah ga.e ḳhāmosh vo bhī ishq ke iz.hār par

mere lab par bhī ishāre aate aate rah ga.e

rah ga.e saare fasānoñ meñ nishāñ un ke hī aur

rāz-e-dil ham is zamāne se chhupāte rah ga.e

rah ga.e yuuñ to añdhere hijr ke dil meñ magar

vasl kī ik sham.a ham phir bhī jalāte rah ga.e

rah ga.e ham 'ārzū' dil kī dabā kar dil meñ hī

naqsh-e-pā un kī tamanna ke miTāte rah ga.e

rah gae bas ishq-dariya se ye nate rah gae

hum sadaf-ankhon se ab gauhar luTate rah gae

rah gae hum saz-e-dil ke TuT jaane par bhi KHush

dard ghazlon mein chhupa kar gungunate rah gae

rah gae hum pyar ke har ism se de kar sada

ruTh kar wo chal diye aur hum manate rah gae

rah gae KHamosh wo bhi ishq ke izhaar par

mere lab par bhi ishaare aate aate rah gae

rah gae sare fasanon mein nishan un ke hi aur

raaz-e-dil hum is zamane se chhupate rah gae

rah gae yun to andhere hijr ke dil mein magar

wasl ki ek shama hum phir bhi jalate rah gae

rah gae hum 'arzu' dil ki daba kar dil mein hi

naqsh-e-pa un ki tamanna ke miTate rah gae