rah-rawan kahte hain jis ko jaras-e-mahmil hai
rah-ravāñ kahte haiñ jis ko jaras-e-mahmil hai
mehnat-e-rāh se nālāñ vo hamārā dil hai
mauj se besh nahīñ hastī-e-vahmī kī numūd
safha-e-dahr pe goyā ye ḳhat-e-bātil hai
kuchh ta.ayyun nahīñ is raah meñ juuñ reg-e-ravāñ
jis jagah baiTh ga.e apnī vahī manzil hai
āstīñ hashr ke din ḳhuun se tar ho jis kī
ye yaqīñ jāniyo us ko ki mirā qātil hai
khol do uqda-e-kaunain 'baqā' ke pal meñ
yā-alī tum ko ye āsāñ hai use mushkil hai
rah-rawan kahte hain jis ko jaras-e-mahmil hai
mehnat-e-rah se nalan wo hamara dil hai
mauj se besh nahin hasti-e-wahmi ki numud
safha-e-dahr pe goya ye KHat-e-baatil hai
kuchh tayyun nahin is rah mein jun reg-e-rawan
jis jagah baiTh gae apni wahi manzil hai
aastin hashr ke din KHun se tar ho jis ki
ye yaqin jaaniyo us ko ki mera qatil hai
khol do uqda-e-kaunain 'baqa' ke pal mein
ya-ali tum ko ye aasan hai use mushkil hai
- Book : Noquush (Pg. B-390 E-400)
- Publication : Nuqoosh Press Lahore (May June 1954)
- Edition : May June 1954
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
