rah-rawi hai na rahnumai hai

rah-ravī hai na rahnumā.ī hai

aaj daur-e-shikasta-pā.ī hai

aql le aa.ī zindagī ko kahāñ

ishq-e-nādāñ tirī duhā.ī hai

hai ufuq dar ufuq rah-e-hastī

har rasā.ī meñ nā-rasā.ī hai

shikve kartā hai kyā dil-e-nākām

āshiqī kis ko raas aa.ī hai

ho ga.ī gum kahāñ sahar apnī

raat jā kar bhī raat aa.ī hai

jis meñ ehsās ho asīrī kā

vo rihā.ī koī rihā.ī hai

kārvāñ hai ḳhud apnī gard meñ gum

paañv kī ḳhaak sar pe aa.ī hai

ban ga.ī hai vo iltijā aañsū

jo nazar meñ samā na paa.ī hai

barq nāhaq chaman meñ hai badnām

aag phūloñ ne ḳhud lagā.ī hai

vo bhī chup haiñ ḳhamosh huuñ maiñ bhī

ek nāzuk sī baat aa.ī hai

aur karte hī kyā mohabbat meñ

jo paḌī dil pe vo uThā.ī hai

na.e saafī meñ ho na ālā.ish

yahī 'mullā' kī pārsā.ī hai

rah-rawi hai na rahnumai hai

aaj daur-e-shikasta-pai hai

aql le aai zindagi ko kahan

ishq-e-nadan teri duhai hai

hai ufuq dar ufuq rah-e-hasti

har rasai mein na-rasai hai

shikwe karta hai kya dil-e-nakaam

aashiqi kis ko ras aai hai

ho gai gum kahan sahar apni

raat ja kar bhi raat aai hai

jis mein ehsas ho asiri ka

wo rihai koi rihai hai

karwan hai KHud apni gard mein gum

panw ki KHak sar pe aai hai

ban gai hai wo iltija aansu

jo nazar mein sama na pai hai

barq nahaq chaman mein hai badnam

aag phulon ne KHud lagai hai

wo bhi chup hain KHamosh hun main bhi

ek nazuk si baat aai hai

aur karte hi kya mohabbat mein

jo paDi dil pe wo uThai hai

nae safi mein ho na aalaish

yahi 'mulla' ki parsai hai