rahe dariya-e-suKHan yunhi rawan mere baad

rahe dariyā-e-suḳhan yūñhī ravāñ mere ba.ad

bāñjh ho jaa.e na ġhālib kī zabāñ mere ba.ad

kaun degā unheñ ḳhushbū kā jahāñ mere ba.ad

kis se lipTeñge ye nāzuk-badnāñ mere ba.ad

kū-ba-kū phirtī hai ab chāroñ-taraf āvāra

bū-e-gul ko na milī jā-e-amāñ mere ba.ad

laakh maiñ nañg-e-suḳhan huuñ pa yaqīñ hai mujh ko

log DhūñDeñge mirā tarz-e-bayāñ mere ba.ad

chhoḌ kar jā.ūñgā maiñ ghar meñ ujāle kā subūt

kaam aa.egā ye tāqoñ kā dhuāñ mere ba.ad

yaar sab chal diye bāzār-e-havas kī jānib

ho ga.ī rāh-e-junūñ kam-guzarāñ mere ba.ad

maiñ ki ḳhātam bhī huuñ ḳhud apnī tabī.at kā 'ziyā'

qat huā silsila-e-āh-o-fuġhāñ mere ba.ad

rahe dariya-e-suKHan yunhi rawan mere baad

banjh ho jae na ghaalib ki zaban mere baad

kaun dega unhen KHushbu ka jahan mere baad

kis se lipTenge ye nazuk-badnan mere baad

ku-ba-ku phirti hai ab chaaron-taraf aawara

bu-e-gul ko na mili ja-e-aman mere baad

lakh main nang-e-suKHan hun pa yaqin hai mujh ko

log DhunDenge mera tarz-e-bayan mere baad

chhoD kar jaunga main ghar mein ujale ka subut

kaam aaega ye taqon ka dhuan mere baad

yar sab chal diye bazar-e-hawas ki jaanib

ho gai rah-e-junun kam-guzaran mere baad

main ki KHatam bhi hun KHud apni tabiat ka 'ziya'

qat hua silsila-e-ah-o-fughan mere baad