rahegi shor-e-nawai hayat mein kab tak

rahegī shor-e-navā.ī hayāt meñ kab tak

anā kī zo'm-garī baat baat meñ kab tak

nikal ke dekh hisār-e-had-e-ta.ayyun se

yūñhī rahegā asiir apnī zaat meñ kab tak

haqīqatan jo na kuchh bhī suneñ sunā.eñge

uḌā.eñge vo hameñ baat baat meñ kab tak

yaqīñ na aa.egā kab tak unheñ mohabbat kā

rahegā rābta nā-mumkināt meñ kab tak

dikhā.e jā.eñge manzar hameñ qayāmat ke

ḳhayāl-o-ḳhvāb yūñhī raat raat meñ kab tak

kahāñ hai kis ke liye hai ḳhushī barā-e-ḳhushī

ġham-e-hayāt rahegā hayāt meñ kab tak

sukūn-e-qalb kā pahlū 'rishī' bahar-pahlū

nazar na aa.egā tasḳhīr-e-zāt meñ kab tak

rahegi shor-e-nawai hayat mein kab tak

ana ki zo'm-gari baat baat mein kab tak

nikal ke dekh hisar-e-had-e-tayyun se

yunhi rahega asir apni zat mein kab tak

haqiqatan jo na kuchh bhi sunen sunaenge

uDaenge wo hamein baat baat mein kab tak

yaqin na aaega kab tak unhen mohabbat ka

rahega rabta na-mumkinat mein kab tak

dikhae jaenge manzar hamein qayamat ke

KHayal-o-KHwab yunhi raat raat mein kab tak

kahan hai kis ke liye hai KHushi bara-e-KHushi

gham-e-hayat rahega hayat mein kab tak

sukun-e-qalb ka pahlu 'rishi' bahar-pahlu

nazar na aaega tasKHir-e-zat mein kab tak