rahi agarche na mujhko kabhi rulae baghair

rahī agarche na mujh ko kabhī rulā.e baġhair

qarār dil ko nahīñ terī yaad aa.e baġhair

koī ye husn kī dekhe to shān-e-be-tābī

rahā gayā na mire dil meñ un se aa.e baġhair

hañsā hañsā ke mujhe aur ḳhud bhī hañs hañs kar

rahe na ḳhaak meñ merā vo dil milā.e baġhair

agarche sharm ne kahne diyā na kuchh muñh se

rahe na aah pe merī vo sar uThā.e baġhair

kamāl-e-jazb-e-mohabbat se dāstāñ merī

tirī zabāñ pe hai merī zabāñ pe aa.e baġhair

gudāz-e-qalb vo ne.amat hai jo nahīñ miltī

bashar ko aañkh se ḳhūn-e-jigar bahā.e baġhair

jalā ke ātish-e-ġham se ise banā iksīr

ki sang-o-ḳhisht se bad-tar hai dil jalā.e baġhair

ye raaz vo hai jise maiñ hī jāntā huuñ 'jalīl'

ki dil meñ vo utar aa.e nazar meñ aa.e baġhair

rahi agarche na mujh ko kabhi rulae baghair

qarar dil ko nahin teri yaad aae baghair

koi ye husn ki dekhe to shan-e-be-tabi

raha gaya na mere dil mein un se aae baghair

hansa hansa ke mujhe aur KHud bhi hans hans kar

rahe na KHak mein mera wo dil milae baghair

agarche sharm ne kahne diya na kuchh munh se

rahe na aah pe meri wo sar uThae baghair

kamal-e-jazb-e-mohabbat se dastan meri

teri zaban pe hai meri zaban pe aae baghair

gudaz-e-qalb wo neamat hai jo nahin milti

bashar ko aankh se KHun-e-jigar bahae baghair

jala ke aatish-e-gham se ise bana iksir

ki sang-o-KHisht se bad-tar hai dil jalae baghair

ye raaz wo hai jise main hi jaanta hun 'jalil'

ki dil mein wo utar aae nazar mein aae baghair