rahin-e-aql ko sahra mein rahguzar na mili
rahīn-e-aql ko sahrā meñ rahguzar na milī
amaañ junūñ ko tah-e-sāya-e-shajar na milī
liye ġhamoñ ko baḌhī jā rahī hai zulmat meñ
kahāñ rukegī shab-e-hijr gar sahar na milī
nazar jhukā ke jo dekhā hai dil kā ā.īna
ḳhud apne aap se aksar mirī nazar na milī
hazār motī paTaktī hai mauj sāhil par
guhar kī aabrū us ko kabhī magar na milī
nigāh-e-qais ne lailā meñ pā liyā jalva
'rafīq' ko ruḳh-e-tābāñ meñ bhī sahar na milī
rahin-e-aql ko sahra mein rahguzar na mili
aman junun ko tah-e-saya-e-shajar na mili
liye ghamon ko baDhi ja rahi hai zulmat mein
kahan rukegi shab-e-hijr gar sahar na mili
nazar jhuka ke jo dekha hai dil ka aaina
KHud apne aap se aksar meri nazar na mili
hazar moti paTakti hai mauj sahil par
guhar ki aabru us ko kabhi magar na mili
nigah-e-qais ne laila mein pa liya jalwa
'rafiq' ko ruKH-e-taban mein bhi sahar na mili
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
