rahin-e-bim-e-hasti hai dil-e-diwana barson se

rahīn-e-bīm-e-hastī hai dil-e-dīvāna barsoñ se

havā kī zad meñ hai apnā charāġh-e-ḳhāna barsoñ se

ḳhushā ai josh-e-hasrat ashk bhar aa.e haiñ āñkhoñ meñ

tarastā thā charāġhāñ ko mirā kāshāna barsoñ se

ye husn-o-ishq afkār-e-azal kī yādgāreñ haiñ

zabān-e-dahr dohrātī hai ye afsāna barsoñ se

junūn-e-ishq ko me.arāj par pahuñchā diyā ham ne

hai apne chāk-e-pairāhan meñ ik vīrāna barsoñ se

ye hasrat hai javānī bāryāb-e-husn ho jaa.e

hai āvāra ye mauj-e-nik.hat-e-mastāna barsoñ se

jhukā duuñ arsh-o-kursī ko agar vo sāmne aa.eñ

liye phirtā huuñ shauq-e-sajda-e-rindāna barsoñ se

mohabbat meñ 'zafar' hai be-ḳhudī bhī sho.ala-tābī bhī

mai-e-do-ātisha piitā huuñ maiñ rozāna barsoñ se

rahin-e-bim-e-hasti hai dil-e-diwana barson se

hawa ki zad mein hai apna charagh-e-KHana barson se

KHusha ai josh-e-hasrat ashk bhar aae hain aankhon mein

tarasta tha charaghan ko mera kashana barson se

ye husn-o-ishq afkar-e-azal ki yaadgaren hain

zaban-e-dahr dohraati hai ye afsana barson se

junun-e-ishq ko mearaj par pahuncha diya hum ne

hai apne chaak-e-pairahan mein ek virana barson se

ye hasrat hai jawani baryab-e-husn ho jae

hai aawara ye mauj-e-nikhat-e-mastana barson se

jhuka dun arsh-o-kursi ko agar wo samne aaen

liye phirta hun shauq-e-sajda-e-rindana barson se

mohabbat mein 'zafar' hai be-KHudi bhi shoala-tabi bhi

mai-e-do-atisha pita hun main rozana barson se