rahm kar o bad-guman-e-arzu

rahm kar o bad-gumān-e-ārzū

luT rahā hai kārvān-e-ārzū

hoshiyār o bad-gumān-e-ārzū

jaag uThe ab ḳhuftagān-e-ārzū

rang laa.ī hai fuġhān-e-ārzū

munfa.il hai ab vo jān-e-ārzū

kyā kiyā tū ne fuġhān-e-ārzū

kar diye zāhir nishān-e-ārzū

ruḳh bhī ab karte nahīñ manzil kī samt

thak ga.e āzurdagān-e-ārzū

un kī āñkhoñ meñ bhī aañsū aa ga.e

sun ke merī dāstān-e-ārzū

thartharā.ī hai jabīn-e-āshiqī

sāmne hai āstān-e-ārzū

dil hī dil meñ haa.e re ādāb-e-husn

kah rahā huuñ dāstān-e-ārzū

bekasī nazroñ se terī āshkār

merā chehra tarjumān-e-ārzū

aap kyoñ giryāñ haiñ mere haal par

aur liije imtihān-e-ārzū

merī sūrat dekh kar vo ro diye

ho ga.ī sharh-e-nihān-e-ārzū

rahm kar o bad-guman-e-arzu

luT raha hai karwan-e-arzu

hoshiyar o bad-guman-e-arzu

jag uThe ab KHuftagan-e-arzu

rang lai hai fughan-e-arzu

munfail hai ab wo jaan-e-arzu

kya kiya tu ne fughan-e-arzu

kar diye zahir nishan-e-arzu

ruKH bhi ab karte nahin manzil ki samt

thak gae aazurdagan-e-arzu

un ki aankhon mein bhi aansu aa gae

sun ke meri dastan-e-arzu

thartharai hai jabin-e-ashiqi

samne hai aastan-e-arzu

dil hi dil mein hae re aadab-e-husn

kah raha hun dastan-e-arzu

bekasi nazron se teri aashkar

mera chehra tarjuman-e-arzu

aap kyon giryan hain mere haal par

aur lije imtihan-e-arzu

meri surat dekh kar wo ro diye

ho gai sharh-e-nihan-e-arzu