rahna wahin pe chahiye tha par nahin rahe

rahnā vahīñ pe chāhiye thā par nahīñ rahe

rāhoñ meñ saarī 'umr rahe ghar nahīñ rahe

aisī siyāh raat thī ik baar to lagā

āñkheñ nahīñ rahī haiñ yā manzar nahīñ rahe

khul ke baras kabhī mire abr-e-gurez-ḳhū

nam ho rahe haiñ sūkhe ghaḌe bhar nahīñ rahe

aisā na ho ki lauT kar aanā paḌe yahīñ

is ḳhauf se bhī qasd-e-safar kar nahīñ rahe

har saañs lag rahā hai hameñ āḳhirī yahāñ

jī bhī kahāñ rahe haiñ agar mar nahīñ rahe

dariyā to de rahā hai hameñ rāsta 'zahīr'

ham be-yaqīn paañv magar dhar nahīñ rahe

rahna wahin pe chahiye tha par nahin rahe

rahon mein sari 'umr rahe ghar nahin rahe

aisi siyah raat thi ek bar to laga

aankhen nahin rahi hain ya manzar nahin rahe

khul ke baras kabhi mere abr-e-gurez-KHu

nam ho rahe hain sukhe ghaDe bhar nahin rahe

aisa na ho ki lauT kar aana paDe yahin

is KHauf se bhi qasd-e-safar kar nahin rahe

har sans lag raha hai hamein aaKHiri yahan

ji bhi kahan rahe hain agar mar nahin rahe

dariya to de raha hai hamein rasta 'zahir'

hum be-yaqin panw magar dhar nahin rahe