rahte hain intishaar mein sae idhar udhar

rahte haiñ intishār meñ saa.e idhar udhar

imkān-e-ishq sab hī gañvā.e idhar udhar

maiñ dasht-e-be-giyāh meñ bhejī ga.ī magar

kartī phirūñ maiñ dasht meñ haa.e idhar udhar

ahl-e-zabān gum rahe tasbīh meñ mirī

rakkhūñ maiñ jān-e-shauq chhupā.e idhar udhar

sahrā ko pyaas sauñp ke dariyā simaT gayā

abr-e-siyāh duur hī chhā.e idhar udhar

vo ishq-e-nā-murād mirī jaan le gayā

phāhe to zaḳhm-e-jāñ pe sajā.e idhar udhar

rāhoñ meñ tīrgī ne ujāle ko Das liyā

ye raat kaale jism ko khaa.e idhar udhar

āvārgī kā zauq 'humā' dil ko bhā gayā

ye aur baat jaañ nahīñ jaa.e idhar udhar

rahte hain intishaar mein sae idhar udhar

imkan-e-ishq sab hi ganwae idhar udhar

main dasht-e-be-giyah mein bheji gai magar

karti phirun main dasht mein hae idhar udhar

ahl-e-zaban gum rahe tasbih mein meri

rakkhun main jaan-e-shauq chhupae idhar udhar

sahra ko pyas saunp ke dariya simaT gaya

abr-e-siyah dur hi chhae idhar udhar

wo ishq-e-na-murad meri jaan le gaya

phahe to zaKHm-e-jaan pe sajae idhar udhar

rahon mein tirgi ne ujale ko Das liya

ye raat kale jism ko khae idhar udhar

aawargi ka zauq 'huma' dil ko bha gaya

ye aur baat jaan nahin jae idhar udhar