rakh di uDa ke KHak-e-bayaban kabhi kabhi

rakh dī uḌā ke ḳhāk-e-bayābāñ kabhī kabhī

raas aa gayā hai gosha-e-zindāñ kabhī kabhī

laa.e haiñ ham butoñ pe bhī īmāñ kabhī kabhī

qalb-o-nazar hue haiñ musalmāñ kabhī kabhī

chhā.ī hai ḳhāk-e-shahr-e-nigārāñ kabhī kabhī

dekhā unheñ qarīb-e-rag-e-jāñ kabhī kabhī

nāloñ kā thā karishma ki āh-e-rasā kā faiz

vā ho gayā hai ḳhud dar-e-zindāñ kabhī kabhī

aql-e-fareb-kār se kartā hai mashvare

Dhātā hai kyā sitam dil-e-nālāñ kabhī kabhī

zabt-e-alam hai ishq meñ shart-e-vafā magar

aa.e haiñ ashk bhī sar-e-mizhgāñ kabhī kabhī

ik shor-e-hashr ho gayā mai-ḳhānoñ meñ bapā

sāġhar se hai uThā mire tūfāñ kabhī kabhī

tauf-e-harīm-e-nāz-e-butāñ meñ kaTī hai umr

ka.aba ke bhī bane haiñ nigahbāñ kabhī kabhī

dekhā hai ye bhī maiñ ne ba-faiz-e-junūñ 'munīr'

ātish-kada banā hai gulistāñ kabhī kabhī

rakh di uDa ke KHak-e-bayaban kabhi kabhi

ras aa gaya hai gosha-e-zindan kabhi kabhi

lae hain hum buton pe bhi iman kabhi kabhi

qalb-o-nazar hue hain musalman kabhi kabhi

chhai hai KHak-e-shahr-e-nigaran kabhi kabhi

dekha unhen qarib-e-rag-e-jaan kabhi kabhi

nalon ka tha karishma ki aah-e-rasa ka faiz

wa ho gaya hai KHud dar-e-zindan kabhi kabhi

aql-e-fareb-kar se karta hai mashware

Dhata hai kya sitam dil-e-nalan kabhi kabhi

zabt-e-alam hai ishq mein shart-e-wafa magar

aae hain ashk bhi sar-e-mizhgan kabhi kabhi

ek shor-e-hashr ho gaya mai-KHanon mein bapa

saghar se hai uTha mere tufan kabhi kabhi

tauf-e-harim-e-naz-e-butan mein kaTi hai umr

kaba ke bhi bane hain nigahban kabhi kabhi

dekha hai ye bhi main ne ba-faiz-e-junun 'munir'

aatish-kada bana hai gulistan kabhi kabhi