rakha hai dil un buton se humne chhupa chhupa kar chhupa chhupa kar

rakhā hai dil un butoñ se ham ne chhupā chhupā kar chhupā chhupā kar

balā ye Taalī hai sar se apne ḳhudā ḳhudā kar ḳhudā ḳhudā kar

sitam to dekho ye kyā sitam hai bulā ke ġhairoñ ko paas apne

vo kis DhiTā.ī se haiñ biThā.e dikhā dikhā kar dikhā dikhā kar

zabāñ pe laane se fā.eda kyā mujhe ḳhabar hai adū ne un ko

mirī taraf se kiyā hai bad-zan lagā lagā kar lagā lagā kar

sunī haqīqat na kaan dhar ke kabhī na pūchhā ki haal kyā hai

fasāna-e-ġham ham un ko haare sunā sunā kar sunā sunā kar

bhalā na ġhusse se ham chabā.eñ batāo kyūñ-kar na hoñT apnā

raqīb karte haiñ ham se bāteñ chabā chabā kar chabā chabā kar

jatā.e dete haiñ itnā ham ye tum un ke dam meñ kahīñ na aanā

vo jān-o-dil leñ haiñ chhīn bāteñ banā banā kar banā banā kar

jo haath bandoñ kā 'aish' us ne karam se ḳhālī nahīñ hai rakkhā

duā.eñ māñgeñ haiñ us se vo haath uThā uThā kar uThā uThā kar

rakha hai dil un buton se hum ne chhupa chhupa kar chhupa chhupa kar

bala ye Tali hai sar se apne KHuda KHuda kar KHuda KHuda kar

sitam to dekho ye kya sitam hai bula ke ghairon ko pas apne

wo kis DhiTai se hain biThae dikha dikha kar dikha dikha kar

zaban pe lane se faeda kya mujhe KHabar hai adu ne un ko

meri taraf se kiya hai bad-zan laga laga kar laga laga kar

suni haqiqat na kan dhar ke kabhi na puchha ki haal kya hai

fasana-e-gham hum un ko haare suna suna kar suna suna kar

bhala na ghusse se hum chabaen batao kyun-kar na honT apna

raqib karte hain hum se baaten chaba chaba kar chaba chaba kar

jatae dete hain itna hum ye tum un ke dam mein kahin na aana

wo jaan-o-dil len hain chhin baaten bana bana kar bana bana kar

jo hath bandon ka 'aish' us ne karam se KHali nahin hai rakkha

duaen mangen hain us se wo hath uTha uTha kar uTha uTha kar