rakhna ho to dil ko nigah-e-yar mein rakhna

rakhnā ho to dil ko nigah-e-yār meñ rakhnā

is jins-e-girāmī ko na bāzār meñ rakhnā

ham ahl-e-tamannā kī bas itnī hai karāmat

ik ḳhvāb sadā dīda-e-bedār meñ rakhnā

anjām-e-tarab bhī to ta.assuf hai so is baar

ḳhushiyoñ ko bhī taḳhmīna-e-āzār meñ rakhnā

ab ghar jo banānā koī ḳhvāboñ kī zamīñ par

imkān-e-taghayyur dar-o-dīvār meñ rakhnā

nāhaq kisī mazlūm par uTThe to lachak jaa.e

ye jauhar-e-nāyāb bhī talvār meñ rakhnā

ye kyā ki har ik dil meñ jagānā talab-e-husn

aur ḳhud ko nihāñ parda-e-asrār meñ rakhnā

rakhna ho to dil ko nigah-e-yar mein rakhna

is jins-e-girami ko na bazar mein rakhna

hum ahl-e-tamanna ki bas itni hai karamat

ek KHwab sada dida-e-bedar mein rakhna

anjam-e-tarab bhi to tassuf hai so is bar

KHushiyon ko bhi taKHmina-e-azar mein rakhna

ab ghar jo banana koi KHwabon ki zamin par

imkan-e-taghayyur dar-o-diwar mein rakhna

nahaq kisi mazlum par uTThe to lachak jae

ye jauhar-e-nayab bhi talwar mein rakhna

ye kya ki har ek dil mein jagana talab-e-husn

aur KHud ko nihan parda-e-asrar mein rakhna