kahaniyan na KHatm hongi iKHtitamiyon ke sath

kahāniyāñ na ḳhatm hoñgī iḳhtitāmiyoñ ke saath

mujhe qubūl kar mirī tamām ḳhāmiyoñ ke saath

tū apne husn-o-nāz ke ġhurūr meñ hī jal bujhī

vo luuT le gayā hai bazm apnī ḳhush-kalāmiyoñ ke saath

kisī maqām jabr par shahīd ho ga.ī huuñ meñ

mujhe bhī dafn kījiyegā sau salāmiyoñ ke saath

ye kyā huā ki us ke bāvajūd baazī haar dī

khaḌī thī meñ to sar uThā.e apne hāmiyoñ ke saath

jahāñ jahāñ ga.ī huuñ maiñ tumhārā haath thaam kar

huā idhar udhar ga.ī subuk ḳhirāmiyoñ ke saath

marī zamīñ tire ta.iiñ ye faisla durust hai

huā jo haal vo huā bad-intizāmiyoñ ke saath

ubuur karnā sahl kab hai pul-sirāt-e-ishq kā

kanār-e-zīst ham khaḌe haiñ nā-tamāmiyoñ ke saath

kahaniyan na KHatm hongi iKHtitamiyon ke sath

mujhe qubul kar meri tamam KHamiyon ke sath

tu apne husn-o-naz ke ghurur mein hi jal bujhi

wo luT le gaya hai bazm apni KHush-kalamiyon ke sath

kisi maqam jabr par shahid ho gai hun mein

mujhe bhi dafn kijiyega sau salamiyon ke sath

ye kya hua ki us ke bawajud bazi haar di

khaDi thi mein to sar uThae apne hamiyon ke sath

jahan jahan gai hun main tumhaara hath tham kar

hua idhar udhar gai subuk KHiramiyon ke sath

mari zamin tere tain ye faisla durust hai

hua jo haal wo hua bad-intizamiyon ke sath

ubur karna sahl kab hai pul-siraat-e-ishq ka

kanar-e-zist hum khaDe hain na-tamamiyon ke sath