raKHt-e-safar ko khol kar ab hun qayam ke qarib
raḳht-e-safar ko khol kar ab huuñ qayām ke qarīb
dhuup ke dasht se pare qariya-e-shām ke qarīb
shāḳh se khīñch kar mujhe laa.ī hai bhuuk ḳhaak par
rizq uThā.ūñ kis tarah rakkhā hai daam ke qarīb
pūchhā jo maiñ ne kaun hai hurmat-e-lafz kā amiiñ
us ne kahā ye bojh hai tere hī naam ke qarīb
ye din jo puurā vast se hai mire ghar ke sehn meñ
is kī sahar hai dar ke paas shaam hai baam ke qarīb
ye jo haiñ zard sā.ateñ sabza hai un kī nok par
ye jo safed chup sī hai ab hai kalām ke qarīb
kitnī imārateñ khaḌī kī haiñ havā ko khod kar
'shāhīñ' ye kaam to nahīñ phir bhī hai kaam ke qarīb
raKHt-e-safar ko khol kar ab hun qayam ke qarib
dhup ke dasht se pare qariya-e-sham ke qarib
shaKH se khinch kar mujhe lai hai bhuk KHak par
rizq uThaun kis tarah rakkha hai dam ke qarib
puchha jo main ne kaun hai hurmat-e-lafz ka amin
us ne kaha ye bojh hai tere hi nam ke qarib
ye din jo pura wast se hai mere ghar ke sehn mein
is ki sahar hai dar ke pas sham hai baam ke qarib
ye jo hain zard saaten sabza hai un ki nok par
ye jo safed chup si hai ab hai kalam ke qarib
kitni imaraten khaDi ki hain hawa ko khod kar
'shahin' ye kaam to nahin phir bhi hai kaam ke qarib
- Book : Ishq e Tamam (Pg. 394)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
