rakhte the taswiron se diwar-o-dar aabaad

rakhte the tasvīroñ se dīvār-o-dar ābād

aise bhī kuchh shahr hue haiñ miT miT kar ābād

sar ābād ḳhayāloñ se ḳhvāboñ se nagar ābād

ek jahāñ hai bāhar apne ik andar ābād

ishq thā apnī jagah aTal samjhauta apnī jā

ek se dil ābād rahā aur ek se ghar ābād

sāgar sāgar rone vaale ro kar phir muskā.e

raat rahe jo bastī vīrāñ kare sahar ābād

aao phir se jiinā sīkheñ basnā basānā sīkheñ

jaise parind shajar se haiñ aur un se shajar ābād

aaj to lagtā hai har manzar naach rahā hai 'shākir'

andar sukh kī dhuum machī so bāhar hai ābād

rakhte the taswiron se diwar-o-dar aabaad

aise bhi kuchh shahr hue hain miT miT kar aabaad

sar aabaad KHayalon se KHwabon se nagar aabaad

ek jahan hai bahar apne ek andar aabaad

ishq tha apni jagah aTal samjhauta apni ja

ek se dil aabaad raha aur ek se ghar aabaad

sagar sagar rone wale ro kar phir muskae

raat rahe jo basti viran kare sahar aabaad

aao phir se jina sikhen basna basana sikhen

jaise parind shajar se hain aur un se shajar aabaad

aaj to lagta hai har manzar nach raha hai 'shakir'

andar sukh ki dhum machi so bahar hai aabaad