rakkha hai maine arz-o-samawat ka bharam

rakkhā hai maiñ ne arz-o-samāvāt kā bharam

mere vajūd se hai tirī zaat kā bharam

pāgal havā ne āḳhirash us ko bhulā diyā

toḌā thā jis diye ne siyah raat kā bharam

jis shaḳhs par thā ḳhud se ziyāda yaqīñ mujhe

rakkhā na us ne merī kisī baat kā bharam

chhūTegā dil kabhī tirī yādoñ kī qaid se

TūTegā ek din ye tilismāt kā bharam

merī ġhazal kā rang nahīñ yūñhī munfarid

lafzoñ pe munhasir hai ḳhayālāt kā bharam

baḳhshegā vo duāoñ ko sharf-e-qubūliyyat

rakkhegā mere ashkoñ kī barsāt kā bharam

'sāgar' tumhāre zabt kī tārīf kyā kareñ

ab tak to barqarār hai jazbāt kā bharam

rakkha hai main ne arz-o-samawat ka bharam

mere wajud se hai teri zat ka bharam

pagal hawa ne aaKHirash us ko bhula diya

toDa tha jis diye ne siyah raat ka bharam

jis shaKHs par tha KHud se ziyaada yaqin mujhe

rakkha na us ne meri kisi baat ka bharam

chhuTega dil kabhi teri yaadon ki qaid se

TuTega ek din ye tilismat ka bharam

meri ghazal ka rang nahin yunhi munfarid

lafzon pe munhasir hai KHayalat ka bharam

baKHshega wo duaon ko sharf-e-qubuliyyat

rakkhega mere ashkon ki barsat ka bharam

'sagar' tumhaare zabt ki tarif kya karen

ab tak to barqarar hai jazbaat ka bharam